Қазақстан ЭЫДҰ-мен денсаулық саласында 3 жоба жүзеге асырмақ

Алғашқы жобаның денсаулық сақтау жүйесін бағалауға бағытталатындығын айтқан ол: «Біз әріптестеріміздің алғашқы медициналық санитарлық көмек және аурухана секторындағы реформаларға баса назар аударғандықтарын қалаймыз. Денсаулық сақтау жүйесін реформалау бойынша біздің қызметіміздің бағалануын күтудеміз. Содан кейін бұл саладағы жұмыстарды одан әрі жақсарту бағытындағы ұсыныстар берілетін болады», - деді ол.

А.Цойдың айтуынша, келесі жоба денсаулық сақтаудың ұлттық есепшотын бағалауға қатысты болмақ. «Яғни, есеп айырысулардағы денсаулық сақтау жүйесіндегі әдістер, яғни қаржылық модель қаншалықты дұрыс екендігі бағаланады. Біздерге бұл жұмыстарды жақсартып, халықаралық стандарттарға жақындату қажет», - деді вице-министр.

Үшінші жоба үш санаттағы тұлғалардың, яғни балалардың, егде жұмысшылардың, халықтың әлеуметтік тұрмысы төмен тобының жұмыспен қамтылуына қатысты.

«Бұл бағытта да қазіргі ахуалды бағалағымыз келеді. Аталған мақсатты топтағылардың жұмыспен қамтылуы мәселелерін зерделемекпіз. Сонымен қатар орын алып жатқан түйткілдерді тарқатып, бұл мәселедегі ахуалды жақсартудың жоспарын әзірлемекпіз», - деді А.Цой.