Пресс-релиз СК-Фармация

Баспасөз хабарламасы

2010 жылғы 8 қазан Астана қаласы

2010-2011 жылдарға «Самұрық-Қазына Фармация» ЖШС компаниясы 0,5 мл шприцтерге алдын ала толтырылған қазіргі заманғы әрі қолайлы нысандағы Ваксигрип атты тұмауға қарсы тиімділігі жоғары вакцинаны сатып алды. Бұл вакцинаны шығарушы вакцинация саласындағы сарапшы және тұмауға қарсы вакциналар нарығындағы көшбасшы болып табылатын еуропалық Санофи Пастер компаниясы болып табылады.

Қазақстан Республикасында тұмауға қарсы егу дәстүрлі түрде қазан мен қараша айлары аралығында жүргізіледі. 2010 – 2011 жылдарға арналған вакцинаның бүкіл көлемі елімізде 15-20 қазанда қол жетімді болады, бұл тиісінше егуді мерзімінде жүргізуге мүмкіндік береді.

Тұмауға қарсы вакцинаны сатып алу жөніндегі екі кезеңдік рәсім пайдаланылған ашық тендерді СҚ-Фармация 2010 жылғы маусымда өткізді, бұл вакцинаны бір дозасы үшін 643 теңгеден сатып алуға мүмкіндік берді, ал сол уақытта бөлшек сауда нарығындағы баға бір доза үшін 1600-ден астам теңгені құрайды. Тұмауға қарсы вакцинаны сатып алу нәтижелері бойынша үнем 60% (350 миллион теңге) құрады.

Тұмауға қарсы егу жыл сайын жүргізіледі, өйткені ол өмір бойғы иммунитетті қамтамасыз ете алмайды. Халықты болжанатын эпидемияның алдында тікелей еккен орынды, оның кезіндегі науқастанудың ең көп бөлігі әдетте желтоқсан – ақпан айлары аралығына келеді. Егілгеннен кейін толыққанды иммунитетке ие болу үшін 10-нан 14 күнге дейін уақыт керек, соған байланысты вакцинаны егу үдерісін қарашаның ортасынан кешіктірмей аяқтау қажет.

«Самұрық-Қазына Фармация» ЖШС 2009 жылдың ақпанында Қазақстан Республикасындағы
фармацевтикалық саланың тұрақтылығы мен бәсекеге қабілеттілігін арттыру, дәрілік заттарды мемлекеттік сатып алуды шоғырландыру жолымен фармацевтикалық өнеркәсіпті дамыту мақсатында құрылды. Тегін медициналық көмектің кепілді көлемі шеңберінде дәрілік заттарды сатып алу мен қамтамасыз ету бойынша Бірыңғай дистрибьютердің функцияларын жүзеге асыру үшін құрылған.

«Самұрық-Қазына» ұлттық әл-ауқат қоры» АҚ құрылымына кіреді.

«Самұрық-Қазына Фармация»
Тел. +7 7172 57-12-87, факс +7 7172 57-12-85,
Дамир Мұқанов mukanov@sk-pharma.kz, www.sk-pharma.kz