Павлодар облысында туберкулезбен ауыру көрсеткіші 13,1%-ға төмендеді

Павлодар облысында туберкулезбен ауыру көрсетікші 13,1%-ға төмендеді, деп хабарлайды BNews.kz тілшісі Павлодар облысы денсаулық сақтау басқармасының басшысы Нұрлан Қасымовқа сілтеме жасап. 

«Өңірде туберкулезбен ауыру 2014 жылдың 1 тоқсанында өткен жылдың сәйкес кезеңімен салыстырғанда 13,1%-ға қысқарды. Егер еліміздің басқа аймақтарымен салыстырар болсақ, Павлодар облысы ауыру жиілігі бойынша 7 орыннан 11 орынға ауысты», - деді Н.Қасымов.

Тұтастай алғанда, басқарма басшысының ақпаратынша, соңғы үш жылда өңірде туберкулезбен ауыру 31%-ға, ал осы аурудан болатын өлім-жітім көрсеткіші 28,6%-ға төмендеген.