Қызылордада қызылша құтырып тұр

Бұл туралы облыстық коммуникациялар орталығының баспасөз мәслихатында облыстық тұтынушылардың құқықтарын қорғау департаменті басшысының міндетін атқарушы Мэлс Жұбатқанов мәлім етті. Оның айтуынша, аурудың 5-уі сырттан (Қарағанды, Шығыс Қазақстан облыстары мен Астана қаласы) келгендер. Бүгінде қызылша ауруының 9 дерегі зертханалық тексерулер нәтижесінде нақтыланды.

Өткен жылдың осы кезеңімен салыстырғанда сондай-ақ жұқпалы ішек аурулары, тамақтан улану жағдайлары біршама артып отыр. Алайда, Конго-Қырым геморрагиялық қызбасы мен құтырма тіркелмеген.